Aziz Bano Darab Wafa
mera bhi har ang tha bahra us ka jism bhi gunga tha
varna aapas men kahne-sunne ko jaane kya kya tha
mere andar se jo mujh men diip jalane nikla tha
jaane kitni baar vo apne hi saae se uljha tha
is ghar ke chappe chappe par chhap hai rahne vaale ki
mere jism men mujh se pahle shayad koi rahta tha
koi pyasa mil jaae to phir lahren le sakta huun
ab main gham se suukh gaya huun pahle main bhi dariya tha
Leave a Reply