ghar men rahte hue Dar lagta hai
ab bayaban hi ghar lagta hai
paanv rakhta huun to dhansti hai zamin
sar uThata huun to sar lagta hai
qatl-o-gharat hai gali kuchon men
shahr-e-dahshat ka nagar lagta hai
Dagmagati hai dhamakon se zamin
asman zer-o-zabar lagta hai
zindagi yuun to guzar ja.egi
kitna mushkil ye safar lagta hai
ghair to ghair hamen aaj ke din
apne ham-sa.e se Dar lagta hai
Leave a Reply