Gungon Ko Zaban Kis Ne Di Hai

Athar Nasik

gungon ko zaban kis ne di hai

aḳhir ye azaan kis ne di hai

rakkha hai rava ye zulm kis ne

zalim ko amaan kis ne di hai

phulon ko asiir kis ne rakkha

ḳhushiyon ko uḌaan kis ne di hai

manshur-e-hava likha hai kis ne

miTTi ko uThan kis ne di hai

is dasht men jiit kis ki Thahri

is jang men jaan kis ne di hai

maqruz hui hain meri ankhen

ḳhvabon ko takan kis ne di hai