gul-badan gul-ezar aa jaao
ja rahi hai bahar aa jaao
hai agar mujh se pyaar aa jaao
hai faza saz-gar aa jaao
dida-o-dil hain farsh-e-rah mire
hama-tan intizar aa jaao
chhut jaae kahin na daman-e-sabr
na karo be-qarar aa jaao
aa ke chaho to phir chale jaana
ba-khuda ek baar aa jaao
jaise pahle mila tha main tum se
tum bhi divana-var aa jaao
tum sataoge kitna barqi ko
ho agar gham-gusar aa jaao
Leave a Reply