Na Hui Saf Tabiat Hi To Hai

na hui saaf tabiat hi to hai

rah gai dil men kudurat hi to hai

bha gaiin dil ko adaen un ki

khub gai ankhon men surat hi to hai

meri mayyat pe na aae na sahi

na hui aap ko fursat hi to hai

nahin karta main jafa ka shikva

aap kya kijiye aadat hi to hai

nahin aata kasi pahlu aram

nahin katti shab-e-furqat hi to hai

nikli qatil na tire tiir ke saath

dil hi men rah gai hasrat hi to hai

mujh se aasi pe ye baŠł≥hshish ye karam

banda-parvar tari rahmat hi to hai

na tali sar se bula-e-furqat

pad gai jaan pe aafat hi to hai

ham ne phera na dil apna tujh se

jaan de baithe muravvat hi to hai

hashr barpa hai tari qamat se

ye bhi andaz-e-qayamat hi to hai

na raha zabt ka yaara ‘anjum’

na chhupi ham se mohabbat hi to hai

Leave a Comment