Bakul Dev
go zara tez shua.en thiin zara mand the ham
tu ne dekha hi nahin ghaur se har chand the ham
ham jo TuuTe hain bata haar bhala kis ki hui
zindagi teri uTha.i hui saugand the ham
aur bimar hue jaate hain ḳhamoshi se
ek azar-e-suḳhan tha to tanomand the ham
tere ḳhat dekh ke aksar ye ḳhayal aata raha
reshmin reshmin tahrir pe paivand the ham
ye gaya saal bhi guzra hai to yuun guzra hai
dastaken thak ke sabhi lauT ga.iin band the ham
Leave a Reply