go ye rakhti nahin insan ki halat achchhi
phir bhi sau kaam se duniya ke mohabbat achchhi
kya vo achchha hai agar sirf hai surat achchhi
surat achchhi jo ḳhuda de to ho sirat achchhi
vasl men ye jo huun bebak to nikle matlab
aise mauqe pe hasinon ki shararat achchhi
jis men shoḳhi na shararat na karishma na ada
aise ma.ashuq se miTTi ki hai murat achchhi
dost un ka jo hai barbad to dushman hai ḳharab
lutf achchha na hasinon ki adavat achchhi
shikva vo ḳhuub hai jis se ho lagavaT zahir
shukr ka jis men ho pahlu vo shikayat achchhi
na hui qadr muqaddar ki bura.i se ‘hafiz’
kya hua aap ne paa.i jo tabi.at achchhi
Leave a Reply