Ehsas Ka Wasil-e-Izhaar Hai Ghazal

Ahmad Ali Barqi Azmi

ehsas ka vasil-e-iz.har hai ghazal

aina-dar-e-nudrat-e-afkar hai ghazal

urdu adab ko jis pe hamesha rahega naaz

iz.har-e-fikr-o-fan ka vo meaar hai ghazal

guldasta-e-adab ka gul-e-sar-sabd hai ye

hain jis men gul-ezar vo gulzar hai ghazal

aati hai jis vasile se dil se zaban par

khvabida hasraton ka vo iz.har hai ghazal

urdu zaban dil hai ghazal us ki jaan hai

nau-e-bashar ki munis-o-gham-khvar hai ghazal

pahle hadis-e-dilbari kahte the is ko log

ab tarjuman-e-kucha-o-bazar hai ghazal

pesh-e-nazar agar ho ‘vali’-dakkani ka tarz

mashshata-e-arus-e-trahdar hai ghazal

hai ‘mir’ o ‘zauq’ o ‘ghalib’ o ‘momin’ ko jo aziiz

vo dil-navaz jalva-gah-e-yar hai ghazal

‘barqi’ ke fikr-o-fan ka muraqqaa isi men hai

‘barq’-azmi se matla-e-anvar hai ghazal