Ali Jawwad Zaidi
go vasi.a sahra men ik haqir zarra huun
rah-ravi men sarsar huun raqs men bagula huun
har samudr-manthan se zahr hi nikalta hai
main ye zahr jivan ka hans ke pi bhi sakta huun
ye bhari-puri dharti ik anant mela hai
aur saare mele men jaise main akela huun
yuun to phuul phabta hai har hasin joḌe par
jis ne chun liya mujh ko main usi ka bela huun
kal har ek jalve men laakh jalve paida the
main ki tha tamasha.i aaj ḳhud tamasha huun
zindagi ke raston par zaḳhm-ḳhurda divana
kah raha tha ‘zaidi’ se main bhi aap jaisa huun
Leave a Reply