Go Maslak-E-Taslim-O-Raza Bhi Hai Koi Chiz

go maslak-e-taslim-o-raza bhi hai koi chiiz

par ghairat-arbab-e-vafa bhi hai koi chiiz

khulta hai har ik ghuncha-e-nau-josh-e-numu se

ye sach hai magar lams-e-hava bhi hai koi chiiz

ye be-rukhi-e-fitrat mahbub ke shaki

itna bhi na samjhe ki ada bhi hai koi chiiz

ibrat-kada-e-dahr men ai tarik-e-duniya

lazzat-kada-e-jurm-o-khata bhi hai koi chiiz

lapkega gareban pe to mahsus karoge

ai ahl-e-duval dast-e-gada bhi hai koi chiiz

Leave a Comment