Seema Naqvi
go kam-suḳhan hai bhari mahfilon men tanha hai
vo apne aap se milta hai baat karta hai
jo baat donon men honi thi ho na paa.i kabhi
so ghar men aaj bhi tanha.iyon ka Dera hai
har ek haal men rahte hain ishq vaale ḳhush
visal-o-hijr ke mabain aisa rishta hai
khaḌa hai sahn men tanha jo Tundmund daraḳht
na jaane is ko parindon pe kya bharosa hai
hamare shahar ki divar to salamat hai
ab is ke paar kise fikr kaun karta hai
vo ḳhub-ru hai hasin hai vajih hai ‘sima’
vo mera yaar baḌa sanvla salona hai
Leave a Reply