Zubair Rizvi
tilism-e-harf-o-hikayat use bhi le Duuba
zaban se us ki har ik baat ik fasana lage
vo jis ko duur se dekha tha ajnabi ki tarah
kuchh is ada se mila hai ki dostana lage
idhar udhar se muqabil ko yuun na gha.il kar
vo sang phenk ki be-saḳhta nishana lage
ye lamha lamha takalluf ke TuTte rishte
na itne paas mire aa ki tu purana lage
vo ek shaḳhs jo leTa hai reg-e-sahil par
use na mauja-e-tufan ka taziyana lage
Leave a Reply