Girna Nahin Hai Aur Sambhalna Nahin Hai Ab

girnā nahīñ hai aur sambhalnā nahīñ hai ab

baiThe haiñ rahguzār pe chalnā nahīñ hai ab

pichhlā pahar hai shab kā savere kī ḳhair ho

bujhte hue charāġh haiñ jalnā nahīñ hai ab

hai āstīñ se kaam na dāman se kuchh ġharaz

patthar bane hue haiñ pighalnā nahīñ hai ab

manzar Thahar gayā hai koī dil meñ aan kar

duniyā ke saath us ko badalnā nahīñ hai ab

lab-āshnā-e-harf-e-tabassum nahīñ rahe

dil ke lahū ko ashk meñ Dhalnā nahīñ hai ab

Leave a Comment