Poet
girdab-e-reg-e-jan se mauj-e-sarab tak
zinda hai to lahu men bas ik iztirab tak
ik main ki ek gham ka taqaza na kar saka
ik vo ki us ne maang liye apne ḳhvab tak
tu lafz lafz lazzat-e-hijran men hai abhi
ham aa ga.e hain hijrat-e-gham ke nisab tak
jo zer-e-ab-e-mauj-e-ravan hai ḳhuruj-e-ab
aa jaa.e ek roz agar sat.h-e-ab tak
milta kahin savad-e-varud-o-shahud men
hota miri hudud ka koi hisab tak
tera hi raqs silsila-e-aks-e-ḳhvab hai
is ashk-e-nim-shab se shab-e-mahtab tak
asar-e-ahd-e-gham hain tah-e-reg-e-jan ki tu
pahuncha nahin abhi dil-e-ḳhana-ḳharab tak
Leave a Reply