ghurub mehr-e-jahan-tab hone vaala hai
ye sab fareb-e-nazar ḳhvab hone vaala hai
jo tha vo nadir-o-nayab ho gaya aur ab
jo hai vo nadir-o-nayab hone vaala hai
ye garam-josh havaon ka aḳhiri nauha
hamare sog men barfab hone vaala hai
ham aise gaam pe dariya-e-ḳhauf men hain ki ab
shu.ur luqma-e-girdab hone vaala hai
ye pushta-bandi magar kis ke kaam aa.egi
har ek ashk to sailab hone vaala hai
Leave a Reply