Sunil Kumar Jashn
ab mujhe ghair ke aghosh men khote hue dekh
apne hote hue ye zulm bhi hote hue dekh
lahlahati hui ghazlon pe tabassum na luTa
mujh ko kaghaz pe kabhi ashk bhi bote hue dekh
zahr hoti hai ye jaagi hui ankhon ki thakan
ḳhvab itne hi zaruri hain to sote hue dekh
koi kandha nahin milta jinhen un se zara puchh
kitni dhu.dli hai ye duniya kabhi rote hue dekh
ab talak to na mila guhar-e-haqiqat koi
kitne hi ḳhvab ke dariyaon men ghote hue dekh
Leave a Reply