faqat qaziya yahi hai fann-e-tabi aur ilahi men
jo ilm-e-maarifat chahe to rah yad-e-ilahi men
samajhta hai usi ka jalva-gah ghaib-e-shahadat ko
nahin kuchh farq aarif ko safedi o siyahi men
nahin aram mujh ko iztirab-e-dil se siine men
ki dariya muztarib hota hai betabi-e-mahi men
na kar maston se kavish har ghadi aman kahta huun
khalal aa jaega zahid tiri ismat-panahi men
jaga kar khvab-e-asaish se ‘bedar’ aah hasti men
adam-asudgan ko la ke daala hai tabahi men
jo kaifiyyat hai masti se tiri ankhon ki laali men
nahin vo nashsha-e-rangin sharab-e-portugali men
sar-o-barg-e-khushi ai gul-badan tujh bin kahan mujh ko
gulistan-e-dil aaya fauj-e-gham ki paemali men
dur-e-dandan hue the maujzan kis bahr-e-khubi ke
ki moti sharm se paani hue silk-e-laali men
jahan vo shakkarin-lab guftugu men aave ai tuuti
sukhan sarsabz tera kab ho vaan shirin-maqali men
abas hai arzu-e-khush-dili ‘bedar’ gardun se
mai-e-rahat jo chahe so kahan is jam-e-khali men
Leave a Reply