Aab-O-Dana Tera Ai Bulbul-E-Zar Uthta Hai

ab-o-dana tira ai bulbul-e-zar uthta hai

fasl-e-gul jaati hai saman-e-bahar uthta hai

shaikh bhi muztarib-ul-hal pahunch jaata hai

janib-e-mai-kada jab abr-e-bahar uthta hai

marhaba bar-e-amanat ke uthane vaale

kya kaleja hai tumhara ki ye baar uthta hai

khar-e-sahra-e-mohabbat ki khatak kya kahiye

jab qadam uthta hai apna sar-e-khar uthta hai

du-e-ah-e-dil-e-sozan hai ‘mubarak’ apna

jo dhuan shama se balin-e-mazar uthta hai

Leave a Comment