ahd-e-junun men arsa-e-vahshat guzarna
jaise shab-e-visal men furqat guzarna
jaana suragh-e-jauhar-e-taḳhliq DhunDne
aur us ke ba.ad alam-e-hairat guzarna
karna hayat pahlu-e-aivan-e-dard men
rozana ek roz-e-qayamat guzarna
ab tak to hai uruus badan ke nasib men
zulfon pe ḳhaak Dalna iddat guzarna
jivan saza-e-maut se pahle ka khel hai
sab ko hai ye mili hui mohlat guzarna
‘akash’ daur-e-jabr-o-mashaqqat hai chaar din
phir ta-abad sukun ki halat guzarna
Leave a Reply