Ishrat Afreen
ye nahin gham ki main paband-e-gham-e-dauran thi
ranj ye hai ki miri zaat mira zindan thi
sub.h se aa.ina chhute hue Dar lagta hai
raat hi ḳhvab men dekha tha ki maang afshan thi
sukhti jaati hai ab Dhalti hui umr ke saath
baaḌh mehndi ki jo darvaze pe apne haan thi
sham.en aur saa.e se dekhe ga.e tufan ki raat
us haveli men jo muddat se bahut viran thi
ḳhaak men khel ke sab nashv-o-numa paa.i hai
bint-e-iflas huun main bhuuk to meri maan thi
paḌh raha tha vo kisi aur ke anchal pe namaz
main bas a.ina-o-qur.an liye hairan thi
Leave a Reply