ahmad-shahryar

Ghubar-e-Waqt Ke Gar Aar-Par Dekhiyega

ghubar-e-vaqt ke gar ar-par dekhiyega

to ek pal men mira shahsavar dekhiyega

main ek baar use pherunga apni gardan par

aur aap bas mire khanjar ki dhaar dekhiyega

kisi ka naqsh nahin bandhi.yega ankhon men

jise bhi dekhiye aina-var dekhiyega

kabhi na laut ke aenge aap janta huun

par aaiye to mira intizar dekhiyega

na dastaken na sada kaun dar pe aaya hai

faqir-e-shahr hai ya shahryar dekhiyega

More Poems

Leave a Comment