Gham Ne Bandha Hai Mere Ji Pe Khala Hae Khala

gham ne bandha hai mire ji pe khala haae khala

phir nae sir seti aai hai bala haae bala

ai gul-e-gulshan-e-jan kar mujhe yak-bar nihal

khaar hasrat ka kaleje men sala haae sala

dekh sakta nahin main gul kuun har yak khaar ke saath

apne ham-rah raqibon kuun na la haae na la

zabh karne men mire rahm na laaya us ne

balki itna bhi kaha nen ki gala haae gala

jis ne khaya hai tere abru-e-khun-rez ka zakhm

murgh-e-bismil sa lahu biich rala haae rala

jan-e-janan kuun mire paas shitabi laao

niin to yak pal men mira jaan chala haae chala

be-tarah ab to birah aag dahakti hai ‘siraj’

dil mira kyuun na pukare ki jala haae jala

Leave a Comment