gham ko baham baham na kiije
gar gham hai to gham ka gham na kiije
yak nim-nigah hai so bhi kaari
kuchh is men se to kam na kiije
go ham hain ashiq-e-vafadar
par itna bhi sitam na kiije
be-fa.eda roiye kahan tak
ab ji men hai chashm nam na kiije
ghairon ke paḌhane ko mera vasf
is taur se ye karam na kiije
go tegh-e-asil hain ye abru
har dam itna bhi ḳham na kiije
gar jam-e-mai ‘asar’ lage haath
phir ḳhvahish-e-jam-e-jam na kiije
Leave a Reply