gham ho ki ḳhushi koi tamasha nahin karte
kuchh log kisi baat ka charcha nahin karte
be-vaj.h to hoti nahin angan ki ḳhamoshi
bachchon ko har ik baat pe Toka nahin karte
insan ki fitrat ka ajab haal hai yaaro
kuchh peḌ ghane hote hain saaya nahin karte
ik umr ganva.i hai usi moḌ pe ham ne
pal bhar ko musafir jahan Thahra nahin karte
ham tegh-o-sipar chhin liya karte hain ‘anjum’
zalim se kabhi zulm ka shikva nahin karte
Leave a Reply