gham-e-firaq ragon men utar gaya hota
agar main tujh se bichhaḌta to mar gaya hota
kabhi libas ki ḳhushbu kabhi zaban ka lams
main jaane kitni hadon se guzar gaya hota
do ankhen kab se tira intizar karti hain
to mai-kade se kabhi apne ghar gaya hota
husul-e-ilm ne masruf rakha varna main
kisi ko ishq men barbad kar gaya hota
mujhe hai tum se mohabbat ye us ne bola tha
vo kaash apne kahe se mukar gaya hota
bichhaḌne vaala faqat ek bose se ‘hashim’
miri jabin pe ehsan dhar gaya hota
Leave a Reply