ghaflat men soya ab tilak phir hovega hoshyar kab
yaari lagaya ḳhalq suun pavega apna yaar kab
jhuTi mohabbat bandh kar ghafil raha apne suun haif
bulbul huun sanpḌa daam men dekhega phir gulzar kab
ye ḳhvab-o-ḳhur farzand-o-zan aur mal-o-zar zindan hua
to chhuT kar is qaid suun hasil kare didar kab
hirs-o-hava bughz-o-hasad kibr-o-mani buḳhl o jahal
is rah-zanan suun baach kar hovega bar-ḳhurdar kab
is nafs-e-kafir-kesh ki ḳhaslat tujhe ma.alum nahin
gar qatl kiita nahin use tujh ko mile dildar kab
bin piir pahuncha nahin kabhi kui sahil-e-maqsud ko
mallah bin kashti kahin hoti hai dariya paar kab
bar-haq ‘alimullah’ kaha rab qaul yahdi-main-yasha
jannat ke talib ko kaho aave nazar didar kab
Leave a Reply