ghaflat men kati umr na hushyar hue ham
sote hi rahe aah na bedar hue ham
ye be-khabari dekh ki jab ham-safar apne
koson gae tab aah khabar-dar hue ham
sayyad hi se puchho ki ham ko nahin malum
kya janiye kis tarah giraftar hue ham
thi chashm ki tu rahm karega kabhu so haae
ghussa ke bhi tere na saza-var hue ham
aata hi na us kuche se tabut hamara
dafn akhir usi ke pas-e-divar hue ham
zakhm-e-kuhan apna hua nasur pe ‘rasikh’
marham ke kisu se na talabgar hue ham