Khule Hain Mashriq-O-Maghrib Ki God Mein Gulzar

khule hain mashriq-o-maghrib ki god men gulzar

magar khizan ko mayassar nahin yaqin-e-bahar

khabar nahin hai bamon ke banane valon ko

tamiz ho to mah-o-mehr-o-kahkashan hain shikar

usi se tegh-e-nigah ab-dar hoti hai

tujhe bataun badi shai hai jurat-e-inkar

kiye hain shauq ne paida hazar virane

ik aarzu ne basae hain laakh shahr-e-dayar

nashat-e-subh-e-baharan tujhe nasib nahin

tire nigah men hai biiti hui shabon ka khumar

farokht hoti hai insaniyat si jins-e-giran

jahan ko phunk na degi ye garmi-e-bazar

yahi hai zinat-o-araish urus-e-sukhan

magar fareb bhi deti hai shokhi-e-guftar

Leave a Comment