Irfan Siddiqi
lapaT si daagh kuhan ki taraf se aati hai
jab ik hava tire tan ki taraf se aati hai
main teri manzil-e-jan tak pahunch to sakta hun
magar ye raah badan ki taraf se aati hai
ye mushk hai ki mohabbat mujhe nahin ma.alum
mahak si mere hiran ki taraf se aati hai
pahaḌ chup hain to ab reg-zar bolte hain
nida-e-koh ḳhutan ki taraf se aati hai
kisi ke vada-e-farda ke barg-o-bar ki ḳhair
ye aag hijr ke ban ki taraf se aati hai
jugon ke kho.e huon ko pukarta hai ye kaun
sada to ḳhak-e-vatan ki taraf se aati hai
Leave a Reply