Garm Zamin Par Aa baiThe Hain KHushk Lab-E-Mahrum Liye

garm zamīñ par aa baiThe haiñ ḳhushk lab-e-mahrūm liye

paanī kī ik buuñd na paa.ī bādal bādal ghuum liye

saj rahe hoñge nāzuk paude chal rahī hogī narm havā

tanhā ghar meñ baiThe baiThe soch liyā aur jhuum liye

āñgan kī mānūs fazā meñ ḳhvāboñ ne zanjīr bunī

ba.ad meñ jhuk kar apne saa.e dīvāroñ ne chuum liye

maiñ ne kitne raste badle lekin har raste meñ ‘faroġh’

ek añdherā saath rahā hai raushniyoñ ke hujūm liye

Leave a Comment