Rais Farogh
garm zamin par aa baiThe hain ḳhushk lab-e-mahrum liye
paani ki ik buund na paa.i badal badal ghuum liye
saj rahe honge nazuk paude chal rahi hogi narm hava
tanha ghar men baiThe baiThe soch liya aur jhuum liye
angan ki manus faza men ḳhvabon ne zanjir buni
ba.ad men jhuk kar apne saa.e divaron ne chuum liye
main ne kitne raste badle lekin har raste men ‘farogh’
ek andhera saath raha hai raushniyon ke hujum liye
Leave a Reply