Qateel Shifai
gareban dar gareban nukta-arai bhi hoti hai
bahar aae to divanon ki rusvai bhi hoti hai
ham un ki bazm tak ja hi pahunchte hain kisi surat
agarche raah men divar-e-tanhai bhi hoti hai
bikharti hai vahi akasr khizan-parvar baharon men
chaman men jo kali pahle se murjhai bhi hoti hai
ba-nam-e-kufr-o-iman be-muravvat hain jahan donon
vahan shaikh-o-barahman ki shanasai bhi hoti hai
chamakti hai koi bijli to sham-e-rahguzar ban kar
nigah-e-barham in ki kuchh to sharmai bhi hoti hai
‘qatil’ us dam bhi rahta hai yahi ehsas-e-mahrumi
jab un shanon pe zulfon ki ghata chhai bhi hoti hai
Leave a Reply