Amir Hamza Saqib
gard-bad-e-sharar hain ham log
kis ke ji ka ghubar hain ham log
aa ki hasil ho naz-e-izz-o-sharaf
aa tiri rahguzar hain ham log
be-kajava hai naqa-e-duniya
aur zaḳhmi savar hain ham log
jabr ke baab men farozan hain
hasil-e-iḳhtiyar hain ham log
phir badan men thakan ki gard liye
phir lab-e-ju-e-bar hain ham log
bad-e-sarsar kabhi to bad-e-sumum
mauja-e-ḳhaksar hain ham log
chashm-e-nargis magar aliil bhi hai
kis liye be-kanar hain ham log
Leave a Reply