Sauda Mohammad Rafi
gar tujh men hai vafa to jafakar kaun hai
dildar tu hua to dil-azar kaun hai
nalan huun muddaton se tire saae ke tale
puchha na ye kabhu pas-e-divar kaun hai
har shab sharab-khvar har ik din siyah hai
ashufta zulf o latpati dastar kaun hai
har aan dekhta huun main apne sanam ko shaikh
tere khuda ka talib-e-didar kaun hai
‘sauda’ ko jurm-e-ishq se karte hain aaj qatl
pahchanta hai tu ye gunahgar kaun hai
Leave a Reply