poet

Gar Ishq Se Waqif Mare Mahbub Na Hota

gar ishq se vaqif mare mahbub na hota

hota na main mahjur vo mahjub na hota

afat-talab apne jo dil o diida na hote

talib main tira tu mira matlub na hota

meri si tarah ishq se hota kabhi betab

eajaz-numa sabr ka ayyub na hota

naame ka mire ye tha javab ai mah-e-nau-khat

ye qaeda-e-qasid-o-maktub na hota

targhib-e-vafa karna tujhe mujh pe rava tha

gar sheva jafa ka tira marghub na hota

‘hasrat’ na agar us ka qad o zulf banate

duniya men kahin fitna-o-ashob na hota

More Poems

Leave a Comment