gar ek raat guzar yaan vo rashk-e-mah kare
ajab nahin ki gada par karam jo shaah kare
dikhave aaina kis munh se us ko munh apna
ki aftab ko juun sham-e-subh-gah kare
muqabil aate hi yuun khinch le hai dil vo shokh
ki jaise kah-ruba jazb barg kaah kare
havas-o-hosh ko chhod aap dil gaya us paas
jab ahl-e-fauj hi mil jaaen kya sipah kare
sitam-shiar vafa-dushman ashna-bezar
kaho to aise se kyunkar koi nibah kare
kai tadapte hain ashiq kai sisakte hain
is aarzu men ki vo sang-dil nigah kare
mohabbat aise ki ‘bedar’ sakht mushkil hai
jo apni jaan se guzre vo us ki chaah kare