abdul-ahad-saaz

Na-Kaam Koshish

ahmaq qumqumo! bevaquf mashino!

tum sab shayad sochte hoge

apni tez chaka-chaund raushni se

apni ghad-ghadahat se dhamak se

mere andar kisi ko

behal karoge khauf-zada kar doge!

unh be-kar na itrao

mere andar ka koi

kab ka so chuka

ab to sote men jhurjhuri bhi nahin leta

ab to keval main huun

tum sa tumhare jaisa ”main”!

More Poems

Leave a Comment