Naheed Virk
gar dil se bhula.i miri chahat nahin jaati
kyuun phir tiri inkar ki aadat nahin jaati
phir oḌh li hai ham ne tire naam ki chadar
phir dil se, vahi ghar ki zarurat nahin jaati
kyuun raat ke parde men chhupa din nahin ata?
kyuun aankh se lipTi ye masafat nahin jaati
kyuun vaqt ruka hai miri ankhon men abhi tak?
kyuun lams ki tere vo tamazat nahin jaati
kyuun vasl ki barish nahin hoti mire angan?
kyuun hijr ki ‘nahid’ ye hiddat nahin jaati
Leave a Reply