Poet
gar dil men kar ke sair-e-dil-e-dagh-dar dekh
ai jaan ḳhana-e-bagh ki aa kar bahar dekh
pachhta.ega jo haath se tu kho.ega hamen
ham tujh se saaf kahte hain o bad-shi.ar dekh
main kya vahan pe gor tujhe de abhi javab
turbat pe meri aa ke zara tu pukar dekh
bahar hon apne jaame se gul bulbulen to kya
gulshan men imtihan ko poshak utaar dekh
ab mujh men tujh men ek sar-e-mu nahin hai farq
mu-e-miyan mila ke mira jism-e-zar dekh
ba.ad-e-fana bhi va rahin ankhen to aaya tu
va.ada-ḳhilafi apni mira intizar dekh
hai nur-e-husn mane-e-didar-e-ru-e-yar
ankhen ye kah rahi hain use baar baar dekh
tu tegh-e-tez khinche hai main sar jhuka.e huun
apne sitam ko dekh mira inkisar dekh
darpai hue hain jaan ke iman to le chuke
but karte hain sitam mire parvardigar dekh
panjon ke bal zamin pe na chal bankpan ko chhoḌ
manind-e-naqsh-e-pa hai ye na-pa.edar dekh
dikhla de miinh barasne men bijli ka kaundna
hans hans ke janib-e-miza-e-ashk-bar dekh
kotah umr ho ga.i aur ye na kam hui
ai jaan aa ke tul-e-shab-e-intizar dekh
bad-vaz.a ham ko kah ke bana nek tu che ḳhush
atvar apne dekh hamara shi.ar dekh
bijli gira.i ghair siyah-ru par ai ‘qalaq’
tasir-e-garm ah-e-dil-e-be-qarar dekh
Leave a Reply