Purnam Allahabadi
bhar do jholi miri ya mohammad lauT kar main na ja.unga ḳhali
kuchh navason ka sadqa ata ho dar pe aaya huun ban kar savali
haq se paa.i vo shan-e-karimi marhaba donon aalam ke vaali
us ki qismat ka chamka sitara jis pe nazar-e-karam tum ne Daali
zindagi baḳhsh di bandagi ko aabru din-e-haq ki bacha li
vo mohammad ka pyara navasa jis ne sajde men gardan kaTa li
hashr men un ko dekhenge jis dam ummati ye kahenge ḳhushi se
aa rahe hain vo dekho mohammad jin ke kandhe pe kamli hai kaali
ashiq-e-mustafa ki azaan men allah allah kitna asar tha
arsh vaale bhi sunte the jis ko kya azaan thi azan-e-bilali
kaash ‘purnam’ dayar-e-nabi men jiite ji ho bulava kisi din
hal-e-gham mustafa ko suna.un thaam kar un ke rauze ki jaali
Leave a Reply