Prakhar Malviya Kanha
ek Dar sa laga hua hai mujhe
vo bina shart chahta hai mujhe
khul ke rone ke din tamam hue
ab mira zabt dekhna hai mujhe
mar raha huun usi sukun ke saath
saans lene ka tajraba hai mujhe
ek jaan ek tan hain hijr aur main
tera aana bhi ab saza hai mujhe
ab main ḳhamosh hone vaala huun
kya koi shaḳhs sun raha hai mujhe
chup raha main isi liye ‘kanha’
mujh se behtar vo janta hai mujhe
Leave a Reply