is husn-e-be-karan ko ḳhuda agahi bhi de
dariya diya hai is ko to dariya-dili bhi de
ḳhud ko na bhuul ja.un to kya sajda-e-vafa
allah mere ishq ko divangi bhi de
us sang-dil se ham ko mohabbat ki aas hai
suraj se chahte hain hamen chandni bhi de
patthar ke ham-saron men utara tiri raza
ab kam se kam shu.ur-e-fan-e-azari bhi de
us ko agar diya hai chaTanon sa karr-o-far
dariya ki mauj jaisi mujhe ḳhud-sari bhi de
Leave a Reply