Poet
gar dar-e-harf-e-sadaqat ye nahin tha phir kyuun
tum ne taala mire honTon pe lagaya phir kyuun
lab pe lafzon ke kanval tum ne saja.e the agar
to takallum ke jaziron se kinara phir kyuun
maana qaidi se hukumat na Daregi lekin
sha-rahon pe salasil ka tamasha phir kyuun
chiḳh uTThoge jo dekhin miri banjar ankhen
shauq itna tha to dariya ko utara phir kyuun
tum agar morid-e-ilzam nahin the to tumhen
us adalat ne gunahgar banaya phir kyuun
maslahat koi to darpesh thi ‘sharib’ varna
us ne tasvir par ye rang ubhara phir kyuun
Leave a Reply