faiz-ahmad-faiz

Ganw Ki Sadak

ye des muflis-o-nadar kaj-kulahon ka

ye des be-zar-o-dinar badshahon ka

ki jis ki khaak men qudrat hai kimiyai ki

ye naiban-e-khudavand-e-arz ka maskan

ye nek paak buzurgon ki ruuh ka madfan

jahan pe chand sitaron ne jubba-sai ki

na jaane kitne zamanon se is ka har rasta

misal-e-khana-e-be-khanuman tha darbasta

khusha ki aaj ba-fazl-e-khuda vo din aaya

ki dast-e-ghaib ne is ghar ki dar-kushai ki

chune gae hain sabhi khaar is ki rahon se

suni gai hai bil-akhir barahna-pai ki

More Poems

Leave a Comment