Fartash Syed
gali ka patthar tha mujh men aaya bigaḌ aisa
main Thokaren kha ke ho gaya huun pahaḌ aisa
ḳhuda ḳhabar dil men koi aaseb hai ki is men
koi na aaya gaya paḌa hai ujaaḌ aisa
na sar uTha paa.e koi bhaunchal mujh men ai vaqt
main narm miTTi huun so mujhe tu lataḌ aisa
chahar janib paḌe hain purze nigah-o-dil ke
hamara is ishq ne kiya hai kabaḌ aisa
main bhuul baiTha huun hansna ‘fartash’ bhuul baiTha
hua hai ḳhushiyon ka band mujh par kivaḌ aisa
Leave a Reply