gali ka manzar badal raha tha
qadim suraj nikal raha tha
sitare hairan ho rahe the
charagh miTTi men jal raha tha
dikha.i dene lagi thi ḳhushbu
main phuul ankhon pe mal raha tha
ghaḌe men tasbih karta paani
vazu ki ḳhatir uchhal raha tha
shafiq poron ka lams pa kar
badan sahife men Dhal raha tha
dua.en khiḌki se jhankti thiin
main apne ghar se nikal raha tha
za.iif ungli ko thaam kar main
baḌi sahulat se chal raha tha
ajiib hasrat se dekhta huun
main jin makanon men kal raha tha
Leave a Reply