Charagh Hath Mein Tha Tir Bhi Kaman Mein Tha

charagh haath men tha tiir bhi kaman men tha

main phir bhi haar gai tu jo darmiyan men tha

main asman ki hadon ko bhi paar kar leti

magar vo khauf jo haael meri udaan men tha

thi zakhm zakhm magar khud ko tutne na diya

samundaron se siva hausla chattan men tha

badal bhi sakta hai akhbar ki khabar ki tarah

tira ye vasf bhala kab mire guman men tha

akela chhod diya dhuup men safar ke liye

us ek shakhs ne jo dil ke saeban men tha

yaqin tujh pe bha kis tarah main kar leti

tazad had se ziyada tire bayan men tha

Leave a Comment