ga.i nahin tire zulm-o-sitam ki ḳhu ab tak
Tapak raha hai miri aankh se lahu ab tak
na jaane kab se hai mere labon pe tera naam
isi sabab se to TuuTa nahin vuzu ab tak
tamam umr gulistan men kaT ga.i lekin
hua nahin mujhe aur ek rang-o-bu ab tak
kisi bhi sher ko hasil hui na zarḳhezi
main DhunDhta raha sahraon men numu ab tak
khuli sara.e ke jaisa hai ye badan apna
aur is sara.e men chalti rahi hai lu ab tak
tasavvurat ke ḳhemon ko raushni mil jaa.e
isi ḳhayal ki hai dil men aarzu ab tak
kiye the ‘shauq’ jo mere javan beTe ne
vo dil ke chaak hue hi nahin rafu ab tak
Leave a Reply