Gai Guzri Kahani Lag Rahi Hai

gai guzri kahani lag rahi hai

mujhe har shai purani lag rahi hai

vo kahta hai ki faani hai ye duniya

mujhe to javedani lag rahi hai

ye zikr-e-asman kaisa ki mujh ko

zamin bhi asmani lag rahi hai

vo is husn-e-tavajjoh se mile hain

ye duniya pur-ma.ani lag rahi hai

ghazal duniya men rahta huun main ‘akbar’

ye meri rajdhani lag rahi hai

Leave a Comment