Kya Hamare Shauq Bhi Wo Kaj-Ada Le Jaega

Shahzad Anjum Burhani

kya hamare shauq bhi vo kaj-ada le ja.ega

ham bhi ja.enge jahan ab rasta le ja.ega

yuun hua ki sab aqa.ed radd kar baiTha huun main

dekhna hai ab kahan shauq-e-ḳhuda le ja.ega

bosa le kar mere mathe ka kisi ne ye kaha

tu jahan bhi ja.ega mere havale ja.ega

teri nadani ye tera zo.am hai tu yaad rakh

ek hi aansu tiri duniya baha le ja.ega

apna kya hai har nafas par ghair ka ab aks hai

dushman-e-jani bhi aaya to dua le ja.ega