Poet
ga.e mausamon ko bhula denge ham
khanDar ka diya bhi bujha denge ham
abhi sirf chehron ko paḌhte raho
kahani kisi din suna denge ham
dabi aag sunte hain bujhti nahin
tujhe ḳhak-e-dil ab uḌa denge ham
zamane hamara suḳhan paas rakh
tujhe aur ghurbat men kya denge ham
miTe habs-e-jan koi lab to hile
uḌi baat ko ab hava denge ham
nazar ham pe rakhta hai sahra ‘suhail’
ye Dar hai kahin gul khila denge ham
Leave a Reply